煙腸日記：方丈份人

方丈份人一啲都唔小氣

第一日返工老細問我，你有咩project有興趣呀，然後畀咗幾樣嘢我揀，我全選話全部都想試。於是老細將其中一個project嘅proposal畀我睇，叫我睇下有冇咩意見或者問題。

於是我就努力睇，但睇咗頭幾段已經不自覺咁樣挑起咗一邊眉毛，越睇眉就挑得越高，睇到一半我老細已經問我做咩皺眉頭。我就話份嘢奇奇怪怪喎，唔係好正路嘅legal research喎。老細就叫我睇晒先，佢做埋手頭上啲嘢同我傾下。

睇完之後，老細就叫埋隔離房另一個senior researcher (老細B)一齊傾。老細A問我你覺得點，我就連珠炮發咁講過proposal有咩問題。「佢唔係legal research其實問題唔大，但係佢想證明呢個咁大嘅hypothesis，淨係做case study唔夠喎，同埋佢咁樣點證明佢哋係真係有邏輯關係呀，大家知道還大家知道，但research應該要concrete啲嘅嘢囉」兩個老細都無出聲，我繼續講「同埋啊，個methodology咁樣唔係好夠用喎，淨係case studies係唔夠力，同埋份嘢個scope咁闊呢，其實近Social Science喎，應該用第二啲method去搵個關係出嚟。」再講咗啲Moral Concern。

講完之後，老細B面無表情咁表示份嘢其實係佢寫。

仆街，大鑊鳥，係咪得罪方丈。

我應該即刻一面驚恐，因為老細A笑住話佢都覺得份嘢唔係好對路，叫我唔使擔心。老細B補充佢遲啲會搵其他diciplin嘅人幫佢手改好份嘢。

如果响香港，我咁樣comment隔離老細啲嘢，應該十條命都唔夠死…

响呢邊返工其實唔係好習慣，返工時間無限制，話就話我一日要返7.8個鐘，但其實老細從來冇叫過我要幾點返工。作為intern，完全無期望老細同同事會當我係一回事，但佢哋又好鍾意叫我畀feedback佢哋啲嘢，講完佢哋又真係覺得有insight。老細同CEO都無架子可言，坐埋一齊唔係吹水就係講研究嘢，或者關心下同事嘅生活嘢。再唔係就突然攞起支Nerve Gun開始亂咁掃射，响office到玩。最好係無人會OT，work life balance到不得了。