Data可唔可以明買明賣 (4)
俾咗錢買服務，佢都賣我data
估唔到我真係可以寫到4～
上回提要：所謂嘅「明買明賣」係騙局，因為根本就無定價。响你同意咗畀嘅「data price」之上，佢可以任意再拎而唔問過你。或者你即使唔同意買賣，佢都可以攞。
你用得人哋免費服務就要付出，但付出幾多同to what extent Data可以咁點用，係另一個問題。但係有一啲情況係，你真金白銀用現實世界流通嘅貨幣買咗「商品」同「服務」但平台或者服務供應者仍然攞你data去「賣」。
Smart Home而家係好先進同好Trendy嘅玩意，好多人都有個Smart Home Device响屋企 — 智能鎖、 智能恆溫、智能雪櫃、Google Home、Alexa … 應有盡有。用家用唔平嘅價錢，真金白銀咁買件嘢返嚟，想用件商品同背後嘅supporting service，明碼實價。
但當用家真係用錢買服務嘅時候，佢哋嘅資料一樣攞咗去做micro-targetting。之前講過，behavioral surplus有兩個面向，一個係scope，一個係depth。呢啲smart home裝置，攞嘅資料就係後者 — 你最貼身最相關你嘅資料。
你每日幾點起身、起身會做啲咩、刷牙刷幾耐、去廁所去幾耐、食早餐想聽新聞定聽歌、幾點出門、每日開關燈幾多次、電視平時睇咩台、咩時間睇、幾點訓覺、訓成點… 呢啲資料最後會攞去做Micro-targetting，去幫你用演算法預測你每日嘅生活，幫你安排根據過往紀錄你過緊嘅生活，而你俾唔俾consent佢其實一啲影響都無，因為佢哋係無需要問過你就可以為咗佢哋 “legitimate interest”而攞你data。
而家真金百銀買過商品返黎，夠晒明買明賣，但平台仍然一樣攞你data去做演算法。而家講緊嘅唔係你平時上網做啲咩咁簡單，而係你屋企入面嘅嘢。
早幾日見到《寒冬》有報道話中國政府要求所有出租屋要安裝監視器，美其名係防盜，實際上係監控中國人嘅一舉一動。正常人都會反感啦，自己屋企畀人Mon住，咁點解可以知道晒你嘅一舉一動嘅係商業機構就冇問題？ 當然有人係自願畀商業機構知道去換取一個舒適方便啲嘅生活，亦都無人有權去話咁做啱定唔啱。
但當你用錢會買呢個商品同佢帶來比較舒適同方便嘅生活同嘅時候，點解佢仲可以唔問你攞晒你啲data去賣？ 你已經用金錢明買明賣，付出咗你應該要付出嘅代價去換取服務，點解會仲可以charge你data price?
如果啲Data佢收集咗，係純粹用落去「提供、改善我用緊嘅smart home商品／服務」，冇問題，但之前都講過，佢收集嘅data係佢用來提供、改善我無用、無諗住用機器服務。而家我俾咗錢都冇辦法阻止佢攞住我啲data亂咁舞。
同埋最大最大嘅問題係，Data唔係貨幣，亦都絕對唔可以係貨幣。
