閱讀報告：《哈利波特》（3）

如何面對死亡。

前文提要：閱讀報告：《哈利波特》（2）

6月一直重溫Harry Potter去渡過艱難嘅日子。
Harry Potter其中一個好重要嘅theme係面對死亡。 諗諗吓，好適合而家講。

响Harry 一歲嘅時候，佢嘅父母因為畀朋友出賣，Voldemort搵上門，佢父母雙雙死於索命咒之下。
Harry四年級嘅時候，親眼目睹Cedric被Voldemort殺死。
Harry五年級嘅時候，誤信Voldemort嘅詭計以為Sirius被捉，闖入魔法部神秘部門。Sirius同鳳凰會嘅人去救佢哋嘅時候，被Bellatrix Lestrange攻擊，跌入石拱門簾幕之後，當住Harry面前死去。
六年級，Harry親眼目睹Dumbledore被Snape「背叛」殺死，由天文塔跌落地面。
最後一集嘅時候，Harry先後目睹 Moody、Hedwig、Dobby、Snape死去。亦都有好多角色响Hogwarts大戰中死去。

死亡到底係咩一回事？

死亡係一件好絕對嘅事。死亡即係「冇咗」，同生存嘅「存在」係二元嘅非黑即白。突然一個人會「冇咗」，你再唔會見到佢、感受到佢、同佢交流。佢突然消失咗，係數學上嘅零，咩都冇。

好難接受同相信，一個人會從此消失。亦都唔知道有冇得「重逢」。

Sirius 係佢一生人入面，可以接觸到最接近「父母」嘅角色。由佢救返Sirius開始，兩年內Sirius就死咗。

Sirius死嘅時候，Harry情緒失控，對住Dumbledore大鬧：

“Harry, suffering like this proves you are still a man! This pain is part of being human–”

“THEN–I–DON’T–WANT–TO–BE–HUMAN!” Harry roared.
“I DON’T CARE!” Harry yelled at them, snatching up the lunascope and throwing it into the fireplace. “I’VE HAD ENOUGH, I’VE SEEN ENOUGH, I WANT OUT, I WANT IT TO END, I DON’T CARE ANYMORE–”

“You do care,” said Dumbledore
“I–DON’T!” Harry screamed

Death is something too much to bear. 當我見到有人响PP跳落嚟嘅時候，我覺得好痛苦。雖然我唔認識佢，但佢嘅死令我痛苦萬分。我會寧願自己鐵石心腸，寧願自己唔care唔上心，都唔好痛苦。

但痛苦只係一時，真的，雖然好多時候個「一時」感覺上係「永遠」。感受住痛苦嘅時候，你只係想逃走，只係想遠離嗰啲無以名狀嘅感覺。只係想解脫，只係想喉嚨嗰種燒灼嘅感覺消失。咩方法都好，都想佢消失。然後你會諗，不如我都死。死好似就唔會再痛苦。

但，死係無用的。Your death is something that happens to everybody else. Your life is not your own, keep your hands off it.

而且，Dumbledor講得好啱，呢種痛苦正正係身為人應有嘅感覺。對死亡失去感覺，就會好似Voldemort咁泯滅人性。我哋係唔應該否認生而為人，面對死亡係會恐懼同痛苦。

應該點樣面對身邊嘅人死亡，Harry响Sirius死咗之後幾個月咁講：
（因為好大段所以Quote中文）

『很難相信他不會再寫信給我了。』哈利終於開口，用低沉的聲音說道。 他的眼睛忽然熱了起來，趕緊眨眨眼。他覺得很蠢，居然親口說出來…

『可是我在德思禮家的時候，』哈利打岔說，聲音越來越堅定，『我就想通了，我 不能把自己封閉起來，也不能－－也不能從此一蹶不振。天狼星不會希望看到我這樣子 的，對不對？再說，人生太短了⋯⋯看看波恩夫人，看看伊美玲．旺司⋯⋯下一個很可 能就是我，不是嗎？如果真輪到我，』他勇猛的說，直視鄧不利多的藍色眼睛，那雙眼 睛正在魔杖發出的光芒下閃爍，『我起碼會多拉幾個食死人當墊背，如果可能的話，甚至和佛地魔同歸於盡。』

中學時，讀過唐君毅《人生的意義》嘅呢段文字，我覺得Harry以上嘅說話就係最好嘅演繹。

親愛的人死亡,是你永遠不能補償的悲痛。這沒有哲學能安慰你,也不必要哲學來安慰你,因為這是你應有的悲痛。
但是你當知道,這悲痛之最深處,不只是你在茫茫宇宙間無處覓他的音容。同時是你對他處處都是罪過,你對他有無窮的咎心。你覺得他一切都是對的,都是好的,錯失都在你自己。
這時是你道德的自我開始真正呈露的時候。

呢個月，去到呢一刻，最少有4個人離我哋而去。其中一個年紀比我細，我知道嘅時候好自責。覺得係自己過去幾年做得唔夠，所以今日先會發生啲咁嘅事。

打咗畀K求救，佢叫我唔好將自己睇得那麼高。我話我有想死嘅心，佢話死無用。然後佢話「我哋預咗有人死。我哋知道遲早會發生」，我話「係我知道。但我就係唔想搞到咁，所以先行出嚟。就算係知道會發生，但無人話過我會會咁痛苦」。佢話「係呀，情緒就係咁樣。」然後鼓勵一番，都係講啲好似唐君毅呢啲字嘅說話。

Harry其實都知道，响同Voldemort嘅對抗入面一定會有人命嘅犧牲。但每一個人嘅死，都帶畀Harry好大嘅痛楚。 每一次嘅死亡，都帶畀Harry嗰種空洞而燒灼嘅感覺。唔會因為面對得多，就會容易咗，好受咗。

面對死亡嘅不可挽回，唯一可以做嘅嘢好似就係記住其他人嘅死亡，然後好好行落去。 「往者不可諫，來者猶可追」，唔再浪費時間，好好過日子。

然而點樣响呢種極端痛苦嘅情況下捱落去，其實就係要靠自己嘅理性去說服自己。我諗呢啲老土嘅道理其實唔駛我講，你都自己知。但有啲時候，係真係要聽其他人講出去口的。

面對痛苦真係需要好大勇氣，好恐怖。但我哋可以慢慢嚟，我哋會行番出去。我哋可以好好過日子，無負其他離開咗嘅人。